مريض السكر في رمضان

 

مريض السكر في رمضان …

 

صيام الشهر الكريم محدش عايز يضيعه .. بس فيه حالات معينة ربنا بيبقى مرخص فيها الفطار منهم مرضي السكري اللي بيحصلهم التالي :

1_اللي قراءة سكرهم بتكون أعلى من 300 أو أقل من 60 ..

2_اللي سكري نوع أول وبياخدوا من 3 لـ 4 جرعات أنسولين في اليوم

3_اللي مع مرض السكري عندهم القلب أو قرحة معدة ومشاكل كلى ..

4_اللي وزنهم زايد بشكل مفرط (يراجع الطبيب الخاص بيه) ..

اقرا كمانإزاي تحمي نفسك من الصداع في رمضان

5_اللي التراكمي بتاعهم أعلى من 7 ..

((كل دول هيبقى صعب عليهم الصيام وخصوصاً لو بينزلوا يروحوا الشغل والجو هيبقى صعب .. واللي كمان مش ملتزمين لا بأدوية ولا بنظام غذائي كويس))

طيب لو أنت مش بتعاني من معظم الحاجات اللي بتمنعك وليك نظام أكل والقراءات نوعاً ما كويسة وعايز تصوم تعمل إيه ؟؟

‎ج/ هتتابع بالنهار السكر بتاعة لو اقل عن 70 تفطر في الحال (مراجعه الطبيب الخاص ) ..

طيب بالنسبه للاكل اعمل النصايح دي

‎اولا: تتسحر بروتين وألياف زي الفول والسلطة ويكون قبل السحور بساعة واحدة بس مش قبلها بكام ساعة عشان الجسم يهضم كل دة براحته على مدار ساعات الصيام ..

‎ثانيا: تفطر على حباية تمر صغيرة وكوباية ماء كبيرة ..

‎ثالثا:موالح ومخللات لا ..

‎رابعا :تاخد زيت زيتون .. وإن كلت بعيش يبقى نص رغيف عيش كاملة الحبه ويا سلام لو بعيش معمول من دقيق (جوز الهند أو اللوز) يبقى أنت كدة مهتم بصحتك تمام ..

‎خامسا:تشرب ماء كتير آه .. بس مدارات بول لا عشان الجفاف مع الصيام ومريض سكر ماينفعوش خالص ..

‎سادسا:كُل فاكهة بس ماتشربش العصاير بتاعتها ..

‎وحاول جاهداً لو وزنك زايد تخس في رمضان وتستغل دة صح ..

 

‎لو عندك اي ستفسار تاني ممكن تتواصل معايا في جلسة الاستشاره (الاستشاره من هنا)