علاقة الكلى بالمشروبات الغازية ؟!!
طبعاً بما إننا بنصوم الفترة دي.. 70% منكوا مُعتقدين إن كوباية البيبسي بتهضم أحسن ، أو يمكن السڤن أحسن ومابيتعبش زي ما معظمكوا فاهم ..
المشروبات الغازية بتأثر بالسلب على صحة قلبك
على إرتفاع ضغطك
على تدمير مينا أسنانك
على إدرار البول وعليه بيحصل ألتهاب مثانة
على صحة عظامك
على زيادة وزنك
١٠ مكعبات سكر في ١٠٠ مللي قادرين يكونُلك دهون على الكبد ويعيقوا حرقك تماماً ..
والأهم !!
تكوين حصوات على الكلى في لمح البصر حتى لو أنت مش حاسس إنه بيعمل كل دة ومش حاسس بأي أعراض .. عندك أعراض لتعب الكلى يمكن ماتحسش بيها زي :
١- ألم في الظهر أو في جانب من الجانبين .. يبدأ بسيط وممكن ينتهي بتشنج .. وممكن يبقى في البطن أو الفخذ .. ومع الرجال ممكن يوصل للخصية ..
٢- إنحباس بول رغم إلحاحك الشديد للتبول .. وفجأة تحس بغثيان وميول للقئ .. ودة بسبب إن الحصوة عائق في المثانة .. وأتثبت إن 8% منكوا جنب الحصوات فيه إلتهاب مسالك بولية بيخلي رائحة البول مش لطيفة ..
٣- حُمى مفاجأة ودة معناها إن جسمك مش مستحمل الحصوات تماماً ومش قادر يقاومها ..
٤- دم في البول .. ودة بعد وصول الحصوة للمثانة .. جرحت الأنسجة الحساسة ..
كل دة محتاج منك تبعد تماماً عن المشروبات الغازية .. تشرب مايه ..
تشرب عصير البقدونس ومعاه شعير وليمون .. وشوك الجمل كمان ..
الكلى ، الكبد ، القلب ، العظام دول ليهم حق عليك ، بلاش يكون جزاءهم مشروبات غازية !!
هتقولي بشرب دايت؟
هقولك يخربيت كلمة دايت .ليس كل ماهو مكتوب عليه دايت صحي كلمة دايت الشركات بتضعها علي اساس السعرات ولكن ليس علي اساس جوده او نوع المنتج فانت كل اللي بتعمله بتشرب سعرات اقل ولكن الضرر واحد
شير لأي حد مدمن على المشروبات دي ووعيه ، وأستنى مني حاجة مضمونة جداً الساعة 7 .. ولو ليك أي سؤال أكتبه في كومنتات ..