20 سباب لفوائد الدهون الصحية في الكيتو

سلام عليكم وصباح الخير عالجميع:

بصراحة موضوع الدهون طويل جدا وشيق بنفس الوقت

هحاول اختصر قدر الإمكان بشكل غير مخل ان شاء الله.

ناس كتير من زمان عندها فوبيا من قصة الدهون وأكلها ، بسبب الخطأ العلمي الكبير اللي حصل معها بعد منتصف القرن العشرين.

لما ربطوا بين الدهون وبين أمراض القلب والشرايين.

مع أن الناس طوال قرون طويلة كانت بتاكل لحوم وشحوم وزيوت واخر انبساط.

والتاريخ مليان بالوان الطعام دي عند كل الأمم.

متعرفش بئا شيطنة الدهون كانت عن طريق الخطأ والا دي كانت مؤامرة عشان يبيعوا الزيت اللي عندهم

مش حتفرق دلوئت

طالما أننا عرفنا الصح

ولا زلنا بنعرفه وبنطبقه

حتى لو متأخر بس المهم اننا نعرف الصح من الغلط

_________

نبدأ الرحلة:

_________

الدهون مكون أساسي في الاكل

من المغذيات الكبرى

وفي حاجات في الجسم مش بتشتغل من غير الدهون اساسا .

في معلومات و فوائد ومهمات كتير جدا خاصة بموضوع الدهون لازم تكون عارفها عشان تمشي بالكيتو وانتا فاهم كويس ليه وازاي انتا منتظم وحابب النظام ده:

_______

اول شيء عن الدهون: أنها أفضل وأقوى مصدر للطاقة

كل جرام دهون فيه 9 سعر حراري

أما في الكربوهيدرات فكل جرام يعطيك فقط 4 سعر حراري

والبروتين نفس الشيء وان كانت مهمة البروتين الاولى ليست امدادك بالطاقة.

وده بيفسر ازاي بتحس بطاقة كبيرة جدا لما تبدأ تحول من شخص كاربوهيدراتي الطاقة الي شخص كيتوني الطاقة. مدهنن ومشحم ومزيت

______

ثانيا: الدهون كمصدر للطاقة عاملة كدة زي الطاقة الشمسية النظيفة اللي مش بتلوث البيئة

يعني بتعطي جسمك بالطاقة والمواد الغذائية بدون ما تترك رواسب وراها ولا مشاكل

بس بشرط نتناول منها باعتدال

لكن في الكربوهيدرات الزيادة منها بتترك في الجسم بلاوي ومشاكل كتير.

وتفضل بعد كدة تصرف على إصلاح سيارتك الخربانة

قصدي جسمك

اللي خرب بسبب وقود سيء الجودة ومرهق لأجهزة الجسم وبيقلل عمرها الافتراضي.

______

ثالثا: وجود الدهون بالاكل ضمانة لامتصاص الجسم للفيتامينات اللي بتذوب في الدهون

واللي بنختصرها في كلمة ( أكيد ) AKED

فيتامين A و K و E و D.

كل فيتامين من دول عالم لوحده.

فيتامين د لوحده بيشتغل اكتر من ٢٠٠٠ وظيفة ف جسمك.

________

رابعا: أغشية الخلايا بجسم الانسان تتكون بشكل أساسي من الدهون.

يعني عدم احتواء غذاءك على دهون مشكلة كبيرة.

________

خامسا: البعض بيقول ان الدهون المشبعة بترفع الكوليسترول السيء

وعشان كدة ممكن تكون سبب في أمراض القلب والشرايين. والحقيقة أنها لا تفعل ذلك.

ويمكن لبعض الدهون المشبعة أن تزيد LDL لكنها بنفس الوقت تزيد HDL ولذلك يحدث التوازن.

ده غير أن شحوم البقر فيها حمض الأوليك اللي بيخفض نسبة LDL .

واللي بيرفع الكوليسترول السيء في الدم هو الإفراط في تناول السكر والزيوت والدهون غير الصحية

حنتكلم عنها البوست الجاي ان شاء الله .

_________

سادسا: الدهون مهمة جدا للمناعة

ومن غيرها جهازك المناعي مش حيقدر يشتغل

وكذلك مهمة العضلات .

____________

سابعا: الباحث د أجيف شودهوري المختص بعلم الأوبئة في جامعة كامبريدج البريطانية

نشر تحليل إحصائي Meta-analysis لـ 76 دراسة شارك فيها 600 ألف شخص، وكانت نتيجتها أن الناس اللي مشيت على حمية منخفضة الدهون لم يزيدوا فرصة الحفاظ على صحتهم وحماية قلوبهم عبر نظام الاكل اللي مشوا عليه.

بخلاف ما هو شائع طبعا.

دراسة فرمنغهام الكبيرة والشهيرة واللي امتدت إلى 30 سنة أثبتت أن المتهم الأول في أمراض القلب والشرايين هي الزيوت المهدرجة والأطعمة غير الصحية، وأنه لا علاقة للدهون المشبعة بأمراض القلب والشرايين.

________

ثامنا : الكبد والقلب والمخ يحبون الدهون

اقرا كمانإيه المشروبات المسموحة في الكيتو؟

جدا كمصدر للطاقة خلال الأنشطة العادية على خلاف الكربوهيدرات.

وتركيب مخك معظمه دهون اصلا

________

تاسعا: استهلاك الدهون بالاكل يخلي الجلد ناعم وطري وكله شباب وحيوية .

بخلاف الاعتماد على النشويات في الطاقة واللي بيأثر بشكل كبير على شكل الإنسان الخارجي ومظهره وبيعجل جدا بمظاهر الشيخوخة.

وبيزود الالتهاب.

_______

عاشرا: الدهون بتعطيك قوة في التفكير وتركيز وانتباه وتزيد معدل الذكاء بشكل كبير.

يعني قوة التفكير عندك مرتبطة ارتباط وثيق بتواجد دهون بجسمك واكلك.

________

١١مخزون الجسم من الدهون يعمل على عزل الجسم

عن المؤثرات السطحية والعمل كوسادة حماية لأعضاء الجسم الداخلية فهي من ناحية تحافظ على درجة حرارة الجسم ومن ناحية أخرى تعمل على إمتصاص الصدمات.

يعني ف الشتا لو ما اكلت دهون حتتجمد من شدة البرد وابئى خلي عم كارب يغطيك.

__________

١٢الدهون مهمة جدا لإنقاذ حياتك في وقت مجاعة لا قدر الله.

يعني لو افترضنا أن جسمك مفيش فيه دهون خالص

واتمنع عنك الاكل .

معناه خلال يوم واحد انتا ميت ميت

لكن مع الدهون المصدر القوي جدا والموجودة بجسمك بنسبة معينة فانتا ممكن تعيش لشهرين كاملين بدون اكل.

طبعا هتحس بالجوع .. ده موضوع تاني

بس حتفضل عايش

وده سر تمسك الجسم بالدهون

جسمك بيحبها لأنها المنقذ في الطواريء.

ولما بيكون جسمك في دهون كتير جدا ووزنك فوق الـ ١٢٠ كجم مثلا وجيت عملت دايت بيفلتلك كمية دهون

وتلاقي نفسك بتنزل كتير في البداية

بس عند مرحلة معينة حتلاقي جسمك طالع بايموشن محمود عبدالعزيز في فيلم ابراهيم الابيض ويقولك: الجرأة حلوة مفيش كلام وياروح ما بعدك روح

ويبدأ يقولك وقف عندك مفيش عندي دهون، دي راس مالي.

واللي انتا اخدته كفاية.

لكن انتا إرادتك اقوى

والحق حق .. واخد الحق صنعة

انتا تقول لجسمك: لا انتا ليك نسبة معينة من الدهون زي الكتاب ما بيقول، فبلاش طمع ، وحاخد منك الزيادة عشان مش عارف اتجوز بسببك يابن المبهوءة وفضحتني .

جسمك يرفض

وانتا مصمم

ونزول الوزن في المراحل الأخيرة يصير اصعب واصعب

واللي حيغلب ف الآخر منكم : اللي إرادته اقوى

اللي هوا انتا طبعا

مفيش كلام .. لانك مصمم توصل لهدفك

والجرأة حلوة مفيش كلام

___

بس شفت الدهون غالية عند جسمك ازاي وماسك فيها بايده وسنانه؟!

________

النقطة اللي بعد كدة

١٣من غير دهون ف الجسم الدورة الشهرية عند المرأة بتتلخبط تماما أو بتتقطع

لأنها الشيء الأساسي لحدوث الدورة الشهرية.

شوف كم بنت او امرأة عندها الدورة مش مزبوطة وهرموناتها ملخبطة

كله بسبب عدم ضبط الاكل.

ومن زمان والأهل يتساهلون في شراء الاكل السيء لاولادهم، ومع الأسف يضروهم من حيث يريدون اسعادهم.

_______

١٤الدهون مهمة لتكوين الهرمونات الجنسية

وعلى رأسها التستوستيرون وتنظيم العملية التناسلية.

ونقص الدهون بالجسم يقلل خصوبة الرجل والمرأة.

_______

١٥الدهون بتبني المخ بشكل سليم

وبتكون غشاء العزل الكهربي للأعصاب عشان يحصل انتقال للرسائل العصبية اللي بتتحكم في انفعالات وحركات الجسم الارادية واللاارداية .

___

١٦من الدهون بتاخد اوميجا 3

الرهيب والعجيب

ومن غيره حتلاقي مشاكل كتير بجسمك.

في المناعة والعين والالتهابات والمفاصل والتركيز والتفكير …الخ

______

١٧وفقا للباحثين في مدرسة سانت لويس بواشنطن

انك لن تتمكن من حرق الدهون بدون تناول دهون باكلك

لأنها بتفعل المسارات العصبية لحرق الدهون .

ودي نقطة مهمة جدا عشان تلتزم بماكروز الكيتو ومتجيش بعد فترة تاكل بروتين بس من غير دهون.

وتلاقي نفسك بقيت ماشي مع اتكينز بدل ما انتا ماشي معايا

واللي يمشي معايا يكسب

وياريت محدش يسال تحت: مين اتكينز

عشان ده عاوز جروب جديد لوحده

______

١٨الدهون تعطيك شعور بالشبع لفترة طويلة لسببين

الاول: أنها بطيئة الامتصاص.

التاني: اوميجا 3 الموجود فيها ليخلق شعور بالشبع.

عشان كدة بالكيتو انتا بتفضل شبعان فترة طويلة.

ولو جعت فانتا عندك خلل في تطبيق الكيتو واكل الدهون .

______

١٩تناول الدهون يعدل المزاج

لأنه يزيد مستوى السيروتونين

كمان براعم التذوق عندنا تقدر تتعرف عالدهون ، ولو اكلك مفيش فيه دهون لن يتم إشباع رغبة الاكل بشكل كامل عندك وبالتالي مزاجك مش حيزبط بعد الاكل.

ومزاجك مش حيزبط وترجع تقوللي نفسيتي تعبانة

_____

٢٠تناول الدهون جنبا إلى جنب مع الرياضة تسرع زيادة العضلات لأنها بتزود تركيز البروتين وحجم خلايا العضلات في الجسم.

______

ملاحظات هامه

كل اللي فات ده كلام كويس جدا بس عندنا نقطتين مهمين جدا

١. مش كل الدهون اللي بحياتنا مفيدة

في دهون صحية ودهون ضارة

وده اللي هنوضحه في البوست الجاي ان شاء الله

٢. الدهون الصحية مينفعش تاكل منها اكتر من حاجة الجسم.

وده ليس له علاقة بكونها تمثل ٧٠ بالمية من ماكروز الكيتو.

في اختلاف

مثلا : لو الماكروز بتاع الكيتو فيه ٧٠ بالمية دهون ومقدارها ٥٠ جم مثلا

فانتا المفروض تلتزم ب ٥٠ جرام اللي بيمثلوا ال ٧٠ بالمية من ماكروز الكيتو.

فلو اخدت ١٠٠ معناته حتزيد في الوزن وتسمن

والسمنة معروف أنها سبب لامراض كتير جدا

_________

بالجزء الثاني من الكلام عن الدهون حنتكلم عن الدهون الصحية والضارة وازاي تتعامل معها.

والكلام عن الدهون الصحية والضارة غير خاص بالكيتوني بل بكل فرد فينا وانا اعتبر البوست القادم بوست إنقاذ للناس من أطنان سموم موجودة في كل سوق بالعالم

________