محتويات المقال
المحلول الكيتوني |مكوناته | فوائده
من اكتر النقط اللي بيتم تجاهلها وقت البدايه في الكيتو احتياجاتك من المعادن ويوميا بيوصلي شكاوي من متابعين او عملاء من شكاوي بيكون في الاساس السبب اهمال المعادن
الاول نعرف ليه محتاجين معادن اكتر في الكيتو وليه التركيز عليها في الكيتو عن اي نظام غذائي اخر.
1_ لما نحتاج الي المزيد من الالكترويت في الكيتودايت؟
لما بنمشي علي نظام اكل منخفض الكاربوهيدرات الجسم وقتها مش بيحتفظ بالملح والميه ودها جانب سلبي لعدم قدرة الجسم علي الاحتفاظ بالميه والاملاح وهنحتاج تعويض دها باضافه معادن اكتر خلال نظامنا
_ وخلينا نعرف ان الجسم بيحتاج الي حوالي 5 جرامات من الصوديوم في نظام الكيتو من اجل الاداء الامثل جنبا الي جنب مع الماغنسيوم ويكون في حدود 500 – 600 مجم من الماغنسيوم ونفس الكمية من الكالسيوم.
في بيئة منخفضة الصوديوم بيتاثر تدفق الدم ويمكن ان يكون له تاثير سلبي علي الكلي حيث سيبدأن في التخلص من البوتاسيوم للحفاظ علي التوازن ويمكن ان يتسبب انخفاض الصوديوم ايضا بالشعور بالعطش الشديد ,
مما يزيد من تناول السوايل وهنا شرب سوايل اكتر يعني فقد في مزيد من المعادن عن طريق فقدها عن طريق البول والعرق
وهنا بيبدا الظهور في الكيتو فلو , حيث نشعر بالاغماء او تعاني من الصداع او عدم التركيز او حتي تفقد الكتله العضليه
اه زاي ماقريت الاغماء ودها بيرجع لاهمال الناس للاستماع الي النصايح واراشادات المختصين
ثانيا اي فوائد مشروب المحلول الكيتوني؟
الالكتروليت هي املاح بتساعد الجسم في اداء وظايف حيويه وتناول المحلول الكيتوني هيساعدك ايضا مثلا,
1_ التحكم في توازن السوائل
2_ تنظيم ضغط الدم
3_مساعدة العضلات علي الانقباض بما في ذلك قلبك
4_ المحافظة علي الحموضة الصحيحة للدم
5_ عدم تسارع نبضات القلب
بعض الالكتروليت الشائعة هي الصوديوم والكلوريد والبوتاسيوم والماغنسيوم والكالسيوم
ويمكن العثور عليها ايضا علي شكل مكملات في الصيدلية
ثالثا اي هي وصفات مشروب الاكتروليت(المحلول الكيتوني)؟
اسهل وصفة هي استخدام عصير الليمون وملح الهمالايا( عشان بيحتوي علي نسبة اعلي من المعادن)
الطريقة الاولي
_معلقة صغيرة من ملح الهمالايا
_لتر ماء
_ليمونه كبيرة
_ معلقة خل تفاح عضوي نمزجهم كلهم علي بعض
الطريقة الثانية
وصفة اخري لمشروب المحلول الكيتوني علي طريقة الليموناطة؟
_ لتر ماء
_حبه ليمون
_نصف معلقة ملح همالايا
_بضع قطرات من ستيفيا السائلة
يحفظ هذا جيدًا في الثلاجة وهو شيء يمكنك شربه طوال اليوم للحفاظ على رطوبتك والحفاظ على أعراض إنفلونزا كيتو في مكانه
مكونات ممكن اضافتها للمحلول الكيتوني ؟
مثلا , النعناع/ او الزنجبيل
لو حسيت انك محتاج تضيف نكهة الي المشروب فحاول تضيف النعناع او الزنجبيل كلا المكونين ليهم خصائص مضادة للفيروسات والبكتيريا بالاضافة انهما مضادات للاكسده
_ مثلا , عصير البرتقال
لو الليمون مش قادر تستحمل طعما ممكن نستبدلة بعصير البرتقال بس لو كنت قريب من الحد اليومي للكاربوهيدرات فاحذر . من عصير البرتقال (لانه بيحتوي علي نسبة سكر عالي) انا شخصيا بنصح بيه لو مر عليكي اكثر من 5 الي 6 شهور في الكيتو قبل ذلك لا افضل
– اضافة الماء الفوارة
_ ثم اضافة عصير المخلل لو انت شخص بيحب الحوادق تقدر تبهر اللي حواليك باستخدامك لعصير المخلل لتعويض الالكتروليت
ثم الان هل عرفت الاجابة علي سؤال المحلول الكيتوني |مكوناته | فوائده
اضغط هنا للحصول علي النظام الغذائي (النظام الغذائي )
مقال لشرح الكيتو كلاسيك اضغط ( هنا )
دليلك الكامل لفهم الكيتو لن تحتاج الي قراءه شئ اخر بعد هذا( المقال )
انضم لجروبنا المطبخ الكيتوني علي التليجرام (هنا الجروب)